RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Maksim Tank
Vieršy
Kantekstny tłumačalny słoŭnik
*  *  *
Asieńnija nočy ŭsio bolš dakučajuć
Biassonnymi dumkami.
                                              Połymia ŭ hrubcy,
Niby kacianio, nahulaŭšysia ŭdostal,
Zaryłasia ŭ popieł.
                                        Harać tolki vočy.
Znać, viecier dužeje,
                                            što ŭ kominie čerci,
Jakija iznoŭ pačałi svaje harcy,
I hruša, jak babka cikaŭnaja vielmi,
To ŭ šybu adnu, to ŭ druhuju
                                                                zahlanie.
Ad brechu zachodziacca ŭ vioscy sabaki,
Znać, miesiac ikłasty
                                                dzikom iznoŭ z puščy
Pałasavacca na bulbianiščy
                                                                  vyjšaŭ.
Iznoŭ ja pišu nieadkładnyja piśmy
Pra toje,
                  što žyć bieź ciabie niemahčyma.
Na pošcie kuplaju dzivosnyja marki:
Kałi nie piśmo – mo jany zacikaviać.
I vieśnic na vułicu nie pryčyniaju,
Bo ŭsio spadziajusia,
                                        što pryjdzieš naviedać.
 
1973
 
 
 
 
Padabajecca     Nie padabajecca
2009–2020. Biełaruś, Miensk.